一個金融風暴令我發現左好多野

唉, 我男朋友做運銷的.一齊左都4年喇.其實佢一直都對我好, 又會買野俾我, 同我去旅行.未有金融風暴之前, 佢都仲好地地, 有工返.不過一直以黎我都好擔心我同佢GEI 將來, 因為佢太大洗了.

識我之前已經因為( 懶型)借左錢俾個朋友, 咁開頭果一年我就逼佢還晒佢 ( 因為佢之前係果D 有錢都唔還, 只還MINI PAY 架囉)佢唔只洗係我身上, 佢自己每日都食成100 蚊咁瀉...又俾好多屋企WOR..一齊左咁耐, 一D 儲蓄都冇.

咁終於個金融風暴一黎, 佢就冇野做.咁我就諗, 唔緊要啦.我份工都仲OK , 可以俾到小小佢日常食野, 只要佢唔出街...唉, 本來都冇咩野, 不過我就發現佢好似好苦惱咁.....

終於係我逼供下發現, 佢兩年前已經欠下一筆卡數, 銀碼仲要係好大..... 我當堂呆左.我最嬲係佢一直騙我冇欠卡數, 而且有錢時又唔還, 拎晒黎買野, 仲要係無謂野......

都算, 我就同佢講, 我幫佢還. 用我本身儲落GEI 錢 + 每個月人工小小咁我都還得7788 了, 仲欠千幾蚊.諗住, 我唔駛再日日食麵包.點知, 佢尋日同我講, 原來, 3年前佢又借左財務公司D 錢...而家未還完.......

我當時的怒火已經非筆墨能形容了.......我好想同佢分手, 就算全世界話我港女都好, 我都唔想再同佢一齊了.我唔想我將來一生要係還錢中渡過........