爵士樂凱歌高奏16/5/2009

夏日炎炎，跟住嗰句，大家都識得話係正好眠。但阿拉獨排衆議，話最好都係跑馬！正所謂春風得意馬蹄疾，夏日陣陣涼風吹來，跑馬一樣咁爽。

言歸正傳，今日提供三匹揀手貨畀大家參考。全日較高班的賽事，一班千五米“爵士樂”，目前大熟大勇，選膽不作他想。至於賀蘭豆三雄，要圍攻佢並不容易。呢件“爵士樂”，今日可期凱歌高奏。

至於二班千八米的一組，梁國浩馬房可望包辦連贏。所以馬迷投注連贏，就毋須理會“濠江歡騰”抑或“濠京灣”先過終點。有時陰差陽錯，總係冷的一匹跑第一名。

第三匹比較難落手，皆因“易通財”上次提唔到款。今次再捧佢場，個心不免有啲十五十六。但鄒欽華豈會就此罷休？趁對手無多，再次機可也！

遠聲推介
第四場⑤濠 京 灣
第五場③爵 士 樂
第七場③易 通 財