遠聲港馬花絮 17/5/2009

本澳昨天跑過，今日又輪到香港馬，資訊發達下，世界成一線，獅城有大戰，港隊雙傑〝蓮華生輝〞及〝創惑〞挑戰外隊，前者抽得一檔，未跑先下一城，日前備戰升級，首度由柏寶考驗，其表現令鞍上人及練馬師姚本輝有讚無彈，阿拉在此大力為他們打氣。

今賽仍然以高班賽事為對象，把握較大，收錢機會亦較高也。今日綠草如茵，照睇會有著落，阿拉對第九場“至勇威龍”有所憧憬，此馬晨課步勁增強，不斷有進步，呢件綵衣必有佳作，今回報名千八米，可以順利勝出咯。同場對手只得一匹〝家家興旺〞，獨贏連贏囊括乃明智之舉，前駒陣上留放得宜的話，理應水到渠成。

第十場千六米，將是“朝東之寶”與“家家寶”之爭。表面看，前者評分高實力及機會不俗。但阿拉依然睇好隻“家家寶”，大馬輕身，勇況正盛，加上有普萊西坐陣，前段可以稍留，直路才拉出外檔衝刺，做膽穩健無比。
遠聲提供：
第9場 3至勇威龍
第10場 7家家寶