合浦猛將愛不釋手14/5/2009

踏入五月中旬，馬場乍現初夏氣氛。昨晨彈閘，一共兩組咁多。當此炎熱天氣，部分馬匹已顯露疲態。愈接近季尾，愈是考驗人馬韌力。有耐力且戰意十足分子，陣上便可予取予攜，馬迷不妨留意。

回說彈閘，第一組，冼文諾策騎主席馬“爆料”出彈。一放到底過終點，以短頭位壓倒杜西奧“旭日之光”。兩位巴西高手，由彈閘到正式賽事，均互不相讓。皆因文無第一，武無第二。至於第三把交椅的路易斯，表現亦不示弱。座騎“快快上”彈來有前有後，睇狀態隨時可以接令出擊。

第二組，由於豆哥“月之驕子”騎者任布利落樓，故此組只得五駒出彈。起步最快是“合浦猛將”，看來摩加利又添一件爭分籌碼。鞍上人冼文諾對此駒愛不釋手，試罷歸來駕四驅車離場。佢老哥仲吹住口哨，非常風騷。杜西奧近期與譚文就合作愉快，有好嘢一定預埋佢。“明駿”輕舒步頭，不欲露光，符合馬房風格。周末賽期，留意巴西三雄動態，應有滿意收穫。