遠聲港馬花絮 19/4/2009

本周澳門只編周五一晚，今天周日香港馬繼續跑。講到港馬，大家都知道阿拉老友多多，只要撥個輪便知天下事。有陣時度馬之餘，加上參考馬匹票數，往往能夠化腐朽為神奇。

老友最叻研究高班賽事，幾乎期期有進帳，收錢都收到手軟。今日場地雖然或有變化，但照睇一樣會有著落，阿拉對第七場“秘密行動”有所憧憬。此馬掛頭牌出戰，呢件綵衣配馬偉昌成日有佳作，今回報名一哩，究竟有冇把握？告達理一向目光如炬，畀佢秤過包唔會漏網。趁同場對手只得一匹〝確叻迅〞，獨贏連贏囊括乃明智之舉。排十檔留放得宜的話，理應水到渠成。

霍利時個倉口阿拉亦鍾意第八場“態中雄”，配冼毅力要留意。唔知你有冇睇過佢上仗既跑法？頗有試馬味道，今日盃賽當前，對佢相當有吸引力。對手方面〝孖寶神駒〞以現時進度，已達爭勝水準。〝威騰〞速度相當，角逐千二米，亦具出頭把握。還有〝應變計劃〞，倘能出閘後找到遮擋留住跑，直路當能發揮其強橫衝刺，兩場過關條數都幾可觀。