跟紅頂白，此乃阿拉最佳錦囊。時勢做英雄，手風順時贏開就贏，呢條三串四信唔信就隨得你咯！
梁錫麟手上馬匹不算多，但肯用心去撚，往往事半功倍。此廄成績每季企穩，實屬難得。旗下新捷“客家小子”今晩又來了！機會如何？如無睇錯水晶球，一定可以再執多一劑。事關同場對手認眞普通，夏文利再作馮婦，大局定矣。
同馬房的“年年二八”，上仗放夏文利上去，臨門一步屈居第二，如今原配再戰兩捷路程。馬兒狀態愈來愈弗，朝頭早人見人愛，贏面仍佔八成。而且賠率唔會太奀，半冷貨仔，希望大家唔好錯過。
林銳棣有件“金匯世界”，上回副車身份，同馬房〝大唐使者〞才是主力。馬事百變，敗後連忙全力催谷，直覺上明顯較上仗勇邁。今次換上史丹利，即係話畀大家聽搏硬。牌面有些着數，你話唔捧佢點得。
遠聲推介
第一場 4客家小子
第二場 9年年二八
第三場 3金匯世界
Subscribe to:
Post Comments (Atom)
No comments:
Post a Comment