遠聲試閘花絮 16/4/2009

本周只得一次夜馬賽事，但加上外地及香港賽事直播，馬迷們及阿拉仍不愁寂寞，周四彈閘共分兩組，馬雖少少但亦有可觀之處。

第一組一起步，柏古素胯下的“明冀”最慢，沿途落後結果以包尾過終點。不過譚文就高班馬“師傅”就保持勇銳，與“豪臣”起步雙雙砲彈般飛出，惡鬥一番下，前者由杜西奧放到回來，隻馬保養得真傢伙出色，廄主有功存勞，後駒緊隨鬥到終點，冼文諾亦絕不示弱。

由高君濤駕馭的“蓮利之光”，並未使出真功夫，全程清風送爽，就住就住跑個第三，練者撚馬你大可放心，呢件值得存記，隨時會殺攤出擊！

另組徐錦輝座騎“駿馬星馳”，出閘即搶放，由頭帶到尾，最後以第一名過終點。睇馬早已操起，馬房手風正順，不能忽視。“鐳老虎”，近課仍未有絲毫走樣，沿路第三位跟返，狀態保持，下次落場，如環境有利，仍有餐士。講返起步唔肯出閘隻“眾志成城”，又一次老毛病發作，練者焉會就此罷休？

老馬〝冠暉動感〞，只見路易斯韁繩稍揚，馬上有反應，鞍上人見好即收，保養好之馬唔會咁差嘅！放長雙眼睇啦！至於“精神爽快”，走勢乏善足陳，由頭到尾都咁乏味，做左番鬼佬睇榜倒數第一，以現階段進度，切勿將彈藥亂投在其身上，鞍上人柏古素都無佢符。