遠聲試閘花絮 12/4/2009

周四彈閘，阿拉成朝響烽火台上打牙骹，皆因澳港大戰前夕，只得一組彈閘，數埋都係七件，場面比較冷落，加埋天色陰暗，較為沉悶。

話題離不開澳港盃，今次?人認為澳門代表高一皮。阿拉也同意，以為主場必勝，有機會贏馬沖沖起，把獎盃留在澳門。何以有此高見？皆因“花臣”、“太陽無敵”及“白玉駒”俱升火待發，誓要將高額?金拿到手。靈唔靈光？大家走?瞧吧！

回說彈閘細節，文錦忠“心境開朗”由頭放到尾。三百米左右路程，當然難佢唔到。廄侶“縱橫捭闔”沿途緊隨，一對在前列回來，也不示弱，試後但見忠哥哼著曲子，腳步輕鬆往取平治座駕離場。

“精靈”出閘唔算太快，但跑兩步即上力，觀感頗佳。鄭陳聯廄急需頭馬，旗下馬匹唔知點解特別乖巧。蔡寶志馬房“聯一之星”全程按住順走，邵偉華未予壓力。

全朝由四個馬房玩晒，除了文錦忠三駒外，馬素利亦不愁寂寞。“A61”呢匹新馬，交畀任布利出試，沿途殿後，仍待琢磨。“A62”又如何？似好非好，狀態只得七、八分光景，暫時未得。