遠聲試閘花絮 9/3/2009

昨晨沒有下雨，正是試馬好日子，本周編賽兩天，試閘三組稍少亦算正常。阿拉一早到場，但見烽火臺上人頭湧湧，熱鬧非常，四大天皇僅杜西奧缺陣，其餘三子冼文諾、路易斯及錢健明各領風騷，近期都係捧佢地場著數些。

第一組簡蛇「網紀之星」正是風頭馬之一，冼文諾主轡，出閘反應敏捷，輕鬆守好位，直路不慌不忙輕易取勝，馬匹仍在進步中。「百勝神駒」也有報名，許國昌用牌仔王峻鋒，此駒出閘不慢，沿途一路跟上，與前駒包辦連贏，並佳皆妙。同馬房「夠實力」，前快後慢，並未給予壓力，繼續留意，起碼健康正常。

第二組鄒欽華「金礦」用路易斯，走來有前有後，明顯較「按按下」出色，後駒狀態也不俗，若陣上配用錢健明，半冷可敲，今季譚文就馬房留前鬥後，仍需努力。梁國浩「好利錢」評分有上升空間，高君濤想擠身天皇行列，俾心機策騎此駒有想頭，練馬師親自接馬，肉緊非常。

第三組牌仔劉嘉源策騎「澳洲情懷」，子彈馬狀態未見回落，適當時間又可贏回一仗。就哥仔「美妙之選」用到冼文諾，輕鬆策騎下走勢對辦。簡炳墀質新馬「妙不可言」初見上力，陳元昌可能會以此駒再表演舊歡如夢。「甜戰士」包尾大蕃，意頭唔好，錢健明試後搖搖頭，睇怕都係「撈餐士」居多。