遠聲試閘花絮 17/3/2009

昨晨天朗氣清，正是試馬好日子，本周編賽兩天，試閘四組出馬正常。阿拉一早到場，但見現場各路人馬雲集，熱鬧非常。四大天皇全數出席，杜西奧試後繞場外快跑練氣，動態積極，其餘三子冼文諾、路易斯及錢健明，以後者提出上訴最值得注意。

第一組摩加利「爆發」明星馬，杜西奧主轡，出閘反應敏捷，輕鬆守好位，直路不慌不忙輕易取勝，馬匹仍在進步中。「勁力寶」相距七十分，張明光用謝偉豪，此駒出閘最快，沿途一路前領，與前駒包辦連贏，並佳皆妙。冼文諾「美妙之選」，前慢後慢，並未給予壓力，尚待繼續留意，目前未夠。

第二組賀蘭杜夫「澳洲情懷」臨場換上邵偉華，此駒走來照例噴射速度，明顯較「輝煌成績」出色，後駒狀態也不俗，若陣上配用杜西奥，不作他想，今季譚文就馬房留前鬥後，攻勢漸來。摩加利「爆料」評分仍有上升空間，冼文諾未失帥權，只要俾心機策騎此駒，自然眾望所歸，有得留低，練馬師盯到實，肉緊非常。

第三組杜西奥策騎「勁獎」，子彈馬狀態有進，適當時間摩仔會部署出擊。鄒欽華「金鑛」用路易斯，輕鬆策騎下走勢對辦。黎榮聚子彈不多，「東方米蘭」已見上力，招錦雄可能會以此駒爭取表現。「華美騰飛」包尾大蕃，張劍星睇怕都要諗吓計。

第四組「眾志成城」後上得手，謝偉亳試後表情都幾滿意。「爆石」又係主席馬，已擺出戰鬥格，邊個騎都有權贏，冼文諾話當然最好就係用佢啦。「好勝神駒」有進步，試前試後見走勢，不難成為徐錦輝久違之頭馬，若然阿拉無估錯的話，中短途都值捧場。