輕輕易易一放到底 26/3/2009

本周澳門馬場上戰雲密佈，皆因周日乃三冠皇頭關。堅尼錦標賽大日子，有馬迷預言，錢健明養傷，頭馬必在巴西三雄冼文諾、杜西奧及路易斯手上。阿拉今次要唱反調，認為未必！此戰乃十一英戰呂布，鹿死誰手未可逆料。

周四早上彈閘，馬少少編為兩組，每組五粒星。第一組，張明光“輕輕易易”，今次用見習生王峻鋒出試。出閘反應快，就此放足三百米到終點，狀態及鋒而試。冼文諾都唔執輸，與李家輝加強合作，座騎“百事盈”出閘第三，沿途守住好位，輕描淡寫走一回，亦具爭勝水準。

周松真係勤力！默默耕耘下亦有支持。輝哥仔畀隻“豪臣”佢試。臨場所見，馬匹毛色油潤，翻步較前快捷，可以開始留意。杜西奧較少與李家輝合作，但策騎“飛奔吧”時，睇住前駒來跑。此中內有玄機，皆因佢係“臣”系馬影子主帥。

第二組，亦有五駒出彈。譚文就“白玉神駒”配杜西奧。此駒形格漂亮，應是可造之材。鞍上人試後回來，面露滿意神色。阿拉以“有前有後”四字來形容其走勢，其餘各駒乏善足陳。就此打住，各位請請！