遠聲試閘 29/1/09

新春賽事小休，阿拉認為好處至少有兩個，第一個係可以在節日期間，多些時間陪伴家人，第二是澳門馬全年無休，又轉播星馬賽事，稍歇一星期是好的，不過阿拉仍在年初三專程走入馬場，派派利是，又問馬會拿利是，樂也融融。

四組試閘及兩組彈閘，在天氣稍稍回暖下完成，謝偉豪開小差，兩匹原定座騎「紫龍福星」及「好勝神駒」易配，益了最勤力的阿弟鮑永弟。

第一組冼文諾分身不暇，最後棄「潮洲大兄」而就「太陽無敵」，梗有原因既，阿拉暫時就賣個關子，遲些才話俾你地聽。前駒由史丹利代勞，走勢一樣咁靚，後駒有型有款，不是短途快馬，但隨時係蔡公子裕意秘密武器，新精頭講意頭寓意吉祥。

第二組七駒之中，譚文就獨佔其三，最錫係邊個？阿拉會答係高君濤，人矮卻學人姓高，認真攪笑，高先生騎隻「土石」，一放到底有火有力，陣上若跑出就唔講得笑。「快樂鬼佬」柏古素鬼崇試後勁，也要留意，至於錢健明「開心精英」，馬已夠，輕抒步頭而已。

第三組開始試八百米，「溢勝光輝」出閘第三，施其安稍加催策，座騎即湧上第一位，「百事盈」同佢相差成半百分，梗係追到氣咳都追唔到，但錢健明試後表情好滿意，與同級對手比拚，睇法又自然唔同，至少比「大掌櫃」爽得多。

第四組以李家輝「喜勁歡笑」狀態最靚，高君濤試來點地無聲，馬匹身輕步爽，解鞍落馬時也不敢大大聲咁張揚。「寶山礦庫」照例前快後弱，狀態也可保持。餘駒乏善可陳，好似食得太多年糕一樣。

至於兩組彈閘，各出五駒，錢健明、冼文諾及路易斯最落力。阿拉又要讚下馬會，如此試閘、彈閘合併安排，就不會勞民傷財了。