大利是一放到底 19/2/2009

阿拉成朝響烽火台上打牙骹，皆因只得一組彈閘。數埋都係八件，場面比較冷落。加埋微風細雨，相映成趣。

話題離不開港澳盃，衆人認為澳門代表較低一皮。但阿拉獨排衆議，以為哀兵必勝，有資格走出困局，捧盃而回。何以有此高見？皆因“宮殿福將”、“師父”及“延續發展”俱升火待發，誓要將奬金及額外的五十萬拿到手。靈唔靈光？大家走着瞧吧！

回說彈閘細節，林銳棣“大利是”由頭放到尾。三百米左右路程，當然難佢唔到。廄侶“淘金駿驍”臨場退出，緣慳一面。

“勁龍船”出閘唔算快，但跑兩步即上力，觀感頗佳。許國昌手風順，旗下馬匹唔知點解特別聽話。同馬房“全力出擊”全程包尾，黃北如都冇佢符。

全朝由四個馬房玩晒，除了林銳棣、許國昌雙雄外，梁錫麟亦不愁寂寞。“少林金剛”呢匹二班馬，交畀劉永康出試。走來有前有後，可及鋒而試。“客家小子”又如何？似好非好，狀態只得七、八分光景，仍待操磨。

最後一提李家輝，上回馬房連贏派彩破紀錄，“百事勁”會否成為接班馬？阿拉評價頗高，又會係另一匹馬膽。