遠聲試閘花絮 17/2/2009

上周賽事記錄多，既有賀蘭豆包辦三重彩，復有李家輝馬房連贏派彩創新高，發財機會四面飛來，怎不令 人心花怒放，應晒情人節及春季錦標景，阿拉昨晨收拾心情睇試閘，一樣開心。

五組試閘靚馬多，第一組「偉寶之星」原定配李錦銘，臨場由徐錦輝代勞，座騎和上周出試一樣，走來有些懶性，仍然缺乏進展，鞍上人狀態則初起階段。「師父」高君濤操刀，走來步伐開揚，佳態洋溢，港澳錦標賽有可爭之道，三月一日大日子，且看能否取得額外獎金。

能媲美前駒者，並非馬王「獎門人」，難怪要退出港澳盃了，答案是「金手槍」，此駒出閘反應快，旋即放頭自領，在第二位衝過終點，狀態大勇，值五粒星，隨時成為西奧哥開齋馬。

第二組「超群經典」最搶鏡，前快後快段段有，路易斯連試閘都旺過人。「全球一」試閘常客，唔試唔舒服，今次用十磅仔劉嘉源，馬匹未見速度。冼文諾騎就哥仔「財毅」，從後逐步推進，不會無的放矢，騎練加強合作，值得留意。

第三組「禪山行」速度噴射，今回李健銘執到寶了，「飛奔吧」力追不及，鞍上人又是冼文諾，但近期缺乏笑容。第四組「蓮利之星」最靚，可以成為賀蘭豆爭冠軍籌碼，大家要留意。

拉士一組六駒列陣，「恰如其分」立地成佛無出閘，冼文諾黑仔。邵偉華策騎「威格先生」用心非常，但座騎前快後慢，仍待琢磨。「振海同歡」用謝偉豪，出閘後由頭放到尾，狀態不俗之馬。「天天二八」用施其安，一路吊住前駒來跑，亦見佳態，馬房今季按兵未動，一觸即發了。